Сок (рака)

Сок
руск. Сок, тат. Суык, башк. Сук
Вусце ракі
Характарыстыка
Даўжыня	363 км
Басейн	11 700 км²
Расход вады	45,6 м³/с (у вусці)
Вадацёк
Выток
• Месцазнаходжанне	Бугульмінска-Белябееўскае ўзвышша
• Каардынаты	54°13′52″ пн. ш. 52°44′35″ у. д.
Вусце	Саратаўскае вадасховішча
• Месцазнаходжанне	паўночная частка горада Самара
• Вышыня	28 м
• Каардынаты	53°24′33″ пн. ш. 50°07′56″ у. д.
Размяшчэнне
Водная сістэма	Волга → Каспійскае мора
Краіна	Расія
Рэгіёны	Арэнбургская вобласць, Самарская вобласць
Код у ДВР	11010000612112100005600
выток вусце
Медыяфайлы на Вікісховішчы

Сок (руск.: Сок, татар.: Суык, башк.: Сук) — рака ў Еўрапейскай частцы Расіі, у Арэнбургскай і Самарскай абласцях, левы прыток ракі Волга.

Даўжыня ракі 363 (364) км. Плошча вадазбору 11 700 км². Сярэдні расход вады ў сярэднім цячэнні 16,4 м³/с, у вусці — 45,6 м³/с. Рака бярэ пачатак на Бугульмінска-Белябееўскім узвышшы. Упадае ў Саратаўскае вадасховішча на рацэ Волга каля пасёлка Волжскі, на поўнач ад горада Самара. Рака Сок раўніннага тыпу з шырокай далінай (1,6-10 км) і звілістым рэчышчам. На пойме ракі вялікая колькасць азёр і старыц. Жыўленне пераважна снегавое. Замярзае ў канцы кастрычніка — пачатку снежня, паводка ў красавіку — пачатку мая. У басейне ракі каля 800 азёр і вадасховішчаў агульнай плошчай 10,8 км². Суднаходная на 6 км ад вусця.

Сярод прытокаў: Камышла, Малы Сок, Байтуган, Укс, Сасноўка, Целегас, Ігарка, Ісаклінка, Вялікі Сургут (Вялікі Суруш), Сургут (Суруш), Бароўка, Арлянка, Каргалка, Чарноўка, Трасцянка, Кандурча і інш.

Літаратура

• Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 397. — 538 с. — 100 000 экз. (руск.)
• Большой энциклопедический словарь: В 2-х т. / Гл. ред. А. М. Прохоров. — М.: Сов. энциклопедия, 1991. — Т. 2. — С. 378. — 768 с. — 2 000 000 экз. — ISBN 5-85270-044-4 (т. 2.). (руск.)

Спасылкі

• Государственный водный реестр РФ (руск.)
• Алексеевский Н. И., Ретеюм К. Ф. Сок // Научно-популярная энциклопедия «Вода России» (руск.)
• Сок // Мегаэнциклопедия Кирилла и Мефодия (руск.)
• С. А. Сенатор, Л. Ф. Ляховская, Т. Д. Зинченко, Л. В. Головатюк, В. П. Моров Сок р. // Энциклопедия природы Самарской области Архівавана 10 кастрычніка 2016. (руск.)